Брякин Василий Иванович

Брякин Василий Иванович

Техникалык илимдердин кандидаты. 1934-жылы төрөлгөн, Фрунзе политехникалык институтун аяктаган.

Анын илимий ишмердүүлүгү Кыргыз ССРинин Автоматташтыруу институтунда башталган. Автоматташтыруу институтунда геофизикалык контролдоо методдору лабораториясынын жетекчиси болуп иштеген.

Илимий изилдөөлөрдүн чөйрөсү: геофизикалык изилдөөлөрдө маалымат алуу методдору жана каражаттары. Анын жетекчилиги жана түз катышуусунда бир нече түрдөгү ным өлчөгүчтөр иштелип чыккан. Электр изилдөө үчүн индукциялык өзгөртүүлөр жана өлчөө приборлорунун бир нече түрү иштелип чыккан. Медицина жана биологиялык изилдөөлөр үчүн приборлор түзүлгөн.

СССРдин ВДНХсынын кумуш медалы жана “Эмгек ардагер” медалы менен сыйланган.

80ден ашык илимий эмгектин жана 38 ойлоп табуунун автору.

Негизги ойлоп табуулары:

1. Эмкостук ным өлчөгүч. Авторл. күб. № 252680,1969.
2. Айлануу ылдамдыгын өлчөөчү түзүлүш. Авторл. күб. № 838569,1981.
3. Туруктуу чыңалууну стабилдештирүүчү түзүлүш. Авторл. күб. № 1149232,1985.
4. Геоэлектр изилдөө үчүн түзүлүш. Авторл. күб. № 1271236,1986.
5. Фазалык электр изилдөө ыкмасы. Авторл. күб. № 2985975,1971.