Муслимов Аннас Паятович

Муслимов Аннас Паятович

Техникалык илимдердин доктуру, профессор, Кыргыз Республикасынын Инженердик академиясынын чыныгы мүчөсү, Кыргыз Республикасынын илимине эмгек сиңирген ишмери.

1936-жылы туулган. 1960-жылы Ленинград политехникалык институтунун механикалык инженердик факультетин «Машина куруу технологиясы, станоктор жана инструменттер» адистиги боюнча аяктаган.

Азыркы учурда Кыргыз-Россия Славян университетинин прибор куруу кафедрасында профессор болуп иштейт.

Машина куруу автоматташтыруу тармагында адис. Коргоо өнөр жайына чоң салым кошуп, анын илимий иштеп чыгуулары жана ойлоп табуулары боюнча атайын буюмдардын сапатын контролдоо жана башкаруу үчүн приборлор комплексин түзгөн, анын киргизилиши жылына 4 миллион рублден ашык экономикалык натыйжа алууга мүмкүндүк берген. Машина куруу буюмдарынын сапатын контролдоо жана башкаруу автоматташтыруу тармагында жаңы илимий багытты түзгөн.

Анын жетекчилиги астында 5 докторлук жана 15 кандидаттык диссертация даярдалып, корголгон.

200дөн ашык илимий эмгектер жарыяланган, анын ичинде 5 монография, 24 ойлоп табуунун автору.

Негизги ойлоп табуулары:

1. Роторлордун дисбалансын контролдоо устройствосу. Автордук күбөлүк № 938037,1982.
2. Роторлорду балансировка кылуу үчүн устройствосу. Автордук күбөлүк № 1298559,1986.
3. Жабык гидростатистикалык опора. Алдын ала патент КР №285,1998.
4. Айлануучу буюмдардын бетинде кемчиликтерди аныктоо ыкмасы. Алдын ала патент КР № 309,1999.
5. Роторлордун дисбалансын аныктоо ыкмасы. Патенттер КР №972, №973, 2007.