Токомбаев Карлен Алиевич (1927),
техникалык илимдердин доктору (1990)
Кыргыз. Чүй облусунун Кемин районунун Каинды айылында төрөлгөн.
Москвадагы суу чарба инженерлери институтун (1951) жана СССРдин К. Кржижановский атындагы Энергетика институтунун аспирантурасын (1957) аяктаган.
«Средазгип-водхлопок» институтунда инженер болуп иштеген, суу чарба институтунда илимий кызматкер, лабораториянын жетекчиси, долбоорлоо-конструктордук-технологиялык институтунун директору, Кыргыз ССР ИАнын улук илимий кызматкери, 1989-жылдан тартып КИПР институтунун лабораториясынын жетекчиси болуп иштеген.
Кичи ГЭСтер жана гидроэлектр станциялары, жаңылануучу энергия булактары боюнча адис.
Почет белгиси ордени, СССР медалдары, Кыргыз ССР Жогорку Кеңешинин Грамотасы менен сыйланган.
80ден ашык илимий эмгектери, анын ичинде 3 монографиясы жарык көргөн.
Анын жетекчилиги менен 2 кандидаттык диссертация корголгон.
Негизги эмгектери:
1. Тоолуу аймактардагы айыл чарбасында жаңылануучу энергия булактарын пайдалануунун жаңы принциптери. Фрунзе, «Илим», 1990.
2. Кыйын жеткиликтүү тоолуу аймактарда электр энергиясын рационалдуу пайдалануу жана энергия менен камсыздоону оптималдаштыруу өзгөчөлүктөрү. Фрунзе, «Кыргызстан», 1976.
