Поэт, прозаик Абдыкалый Молдокматов

Акын, прозачы А. Молдокматов 1935-жылдын 21-майында — 1977-жылдын 22-июлунда Ысык-Көл облусунун Жеты-Огуз районундагы Сару айылында колхозчунун үй-бүлөсүндө төрөлгөн. 1952-жылы туулган айылындагы орто мектепти, 1960-жылы Москвадагы СССРдин А. М. Горький атындагы адабий институтун, 1966-жылы КПССтин ЦКсынын алдындагы Журналистика факультетин аяктаган.
Эмгек жолун 1952-жылы колхозчу болуп баштап, 1960-жылдан «Ала-Too» журналынын редакциясында литсотрудник болуп иштеген, 1962-жылдан Кыргызстан боюнча «Комсомольская правда» гезитинин өзүнчө кабарчысы, 1966-жылдан «Мугалимдер газетасы» гезитинде партиялык жашоо бөлүмүнүн башчысы, ал эми 1967-жылдан Кыргызстан боюнча «Труд» гезитинин өзүнчө кабарчысы болуп иштеген.
1952-жылдан баштап басылып чыккан. Алгачкы поэтикалык жыйнагы «Тоо кызы» (1959) жарык көргөн. Өзүнүн туулган тилинде бир нече ыр жыйнактарын, повесттерин, аңгемелерин, очерктерин жазган. Жазуучу орус тилинде да чыгармаларды жазып, борбордук жана жергиликтүү басмаканаларда жарыяланган. Айрым чыгармалары украин, казак, өзбек, англис жана испан тилдерине которулуп, басылып чыккан.
1961-жылдан КПССтин мүчөсү, 1960-жылдан СССРдин Жазуучулар союзунун мүчөсү.
«Эрдиктүү эмгеги үчүн. В. И. Лениндин туулган күнүнө 100 жыл толуусуна карата» медалы менен сыйланган.
Кыргыз ССРинин Жогорку сотунун элдик заседатели болуп шайланган (1962—1965 жж.).

БАШКА БАСМАЛАР

кыргыз тилинде
Тоо кызы: Ырлар жыйнагы. —Ф.: Кыргызмамбас, 1959. — 72 б. Девушка с гор.
Жаш өмүр: Ырлар. — Ф.: Кыргызокуупедмамбас, 1960. — 44 б. Молодые годы.
Жол: Ырлар жана поэмалар. — Ф.: Кыргызокуупедмамбас, 1962. — 120 б. Дорога.
Суйуутай: Ырлар жана поэма. — Ф.: Кыргызмамбас, 1962. — 83 б.
Жоогазын: Повесть, аңгемелер, очерктер. — Ф.: Кыргызстан, 1974.— 166 б. Тюльпан.
орус тилинде
Здравствуй, большая земля: Стихи и поэмы. —М.: Мол. гвардия, 1962, — 103 с.
Цветок, умытый росой: Рассказы и очерки. — Ф.: Кыргызстан, 1965. — 163 с.
Лавина: Повесть. — Ф.: Кыргызстан, 1968. — 156 с.
Шаги ввысь. — Ф.: Кыргызстан, 1971. — 24 с.
Разговор с сердцем: Стихи и поэмы. — Ф.: Мектеп, 1977. — 152 с.