Бул жеңиш кыргызстандык кондитерлерге 2026-жылы Францияда өтө турган World Chocolatine and Pain au Chocolat Championship'те өз өлкөсүн көрсөтүү мүмкүнчүлүгүн берди.
Сорунга Казакстан, Кыргызстан жана Өзбекстандан 22 катышуучу катышты. Катышуучулар кондитердик искусство боюнча татаал тапшырмаларды аткарышты, аларды эл аралык эксперттер баалашты.
«Chocolatine Kazakhstan – 2025» техникалык жана кесиптик билим берүү тармагында, анын ичинде кондитердик жана нан бышыруу боюнча адистешкен колледждер жана окуу жайлар үчүн абройлуу конкурс болуп саналат. Бул сынак Борбордук Азиянын таланттуу жаш кондитерлерин бириктирет жана жогорку деңгээлдеги профессионализмди, креативдүүлүктү жана татаал технологияларды өздөштүрүүнү талап кылат.
