Бишкек мэриясынын маалымат кызматына ылайык, мэрдин орун басары Виктория Мозгачева жаш катышуучуларга насаат сөзүн айтты.
Балдар үчүн цирктын чыгармачыл жамааты тарабынан «Оттуу атты издеп» аттуу жаңы жылдык спектакль даярдалган.
Бул майрамдык иш-чарага 12 атайын бала бакчадан, 3 жардамчы мектептен, 2 балага жардам берүү борборунан жана мүмкүнчүлүгү чектелген балдар менен иш алып барган 32 уюмдан 1400дөн ашык бала катышты. Мындан тышкары, майрамдын конокторунун арасында жеңилдик категорияларына кирген үй-бүлөлөрдүн балдары да болду.
Көрсөтүү аяктагандан кийин бардык катышуучуларга жаңы жылдык белектер тапшырылды.
