Иш-чарага 400 бала чакырылды. Алардын арасында окууда ийгиликтерге жетишкен окуучулар, көп балалуу жана аз камсыз болгон үй-бүлөлөрдүн балдары, ата-энесинен ажыраган балдар жана өзгөчө муктаждыктары бар балдар бар.
Майрамдын жүрүшүндө балдарга жаңы жыл менен куттуктоо сөздөрү айтылып, ден соолук, окууда ийгиликтер жана бактылуу балалык тууралуу каалоолор угулду.
Майрамдык атмосфераны түзүү үчүн К. Медетбеков атындагы облустук драма театрынын артисттери «Бир үйдө» фильмине негизделген театралдаштырылган спектакль көрсөтүштү.
Майрамдын аягында 400 балага даярдалган белектер тапшырылды.
