Иш-чара Кыргызстандын президентинин Нарын облусундагы ыйгарым укуктуу өкүлүнүн жана жергиликтүү акимдин демилгеси менен уюштурулган. Иш-чарада ыйгарым укуктуу өкүлдүн орун басары Айдана Иманалиева, ошондой эле район акими Мирлан Камчыбеков жана администрациянын өкүлдөрү болушту.
Майрам учурунда Нарын облустук драма театрынын артисттери жаңы жылдык жомоктор менен чыгышты, ал эми Жалил Сыдыков атындагы балдар билим берүү борборунун окуучулары көрүүчүлөрдү ырлар жана бийлер менен кубандырды. Мындан тышкары, райондук кино дирекциясы мультфильм көрсөттү.
Ошондой эле, жаңы жылдык белектер 66 балага облустук өкүлчүлүктөн, 50 балага «Ак-Талаа айымдары» коомдук фондунан жана 70 балага Ак-Талаа райондук мамлекеттик администрациясынан тапшырылды.
