Ак-Тала районунун эмгек, социалдык камсыздоо жана миграция башкармалыгынын жетекчиси Эрлан Качкынбаевдин айтымында, жардамды Аксый районунун тургуну Акыл аттуу киши көрсөткөн.
«Кечээ Бишкекте жыйынга катышып жаткам. Жыйын аяктагандан кийин мага тааныш эмес адам келип, жетим балдарга жардам бергиси келгенин айтты. Ал өзүн тааныштырган жок, болгону жардам Акылдын үй-бүлөсүнөн келип жатканын айтып берүүнү өтүндү. Бизде 17 баланын тизмеси бар эле, ал кийимдерди менин аркылуу өткөрдү. Мен Баетов айылындагы балдарга кийимдерди биздин мекеме аркылуу бердим, ал эми башка айылдарга жергиликтүү социалдык кызматкерлер жеткирип беришти», - деди Э.Качкынбаев.
