Иш-чарада Тон райондук мамлекеттик администрациясынын башчысы Б. А. Осмонов катышып, катышуучуларды куттуктап, аларга белектер тапшырды.
Майрамдын алкагында декоративдик жана колдонмо өнөрчүлүк, ошондой эле кулинария боюнча көргөзмө уюштурулду. Көргөзмөгө Тон райондук эмгек, социалдык коргоо жана миграция башкармалыгында каттоодо турган жарандар, ошондой эле №81 кесиптик лицейдин реабилитациялык тобунун студенттери катышты.
Мындан тышкары, конокторго райондук маданият үйүнүн артисттери жана өзгөчө муктаждыктары бар таланттуу катышуучулар тарабынан даярдалган концерттик программа көрсөтүлдү. Көргөзмөнүн жана концерттик программанын бардык катышуучулары акчалай сыйлыктар жана белектер менен сыйланышты.
