Иш-чаранын катышуучуларынын арасында Кыргыз Республикасынын табигый ресурстар, экология жана техникалык көзөмөл министринин биринчи орун басары Б.Джусупбеков жана Кыргыз Республикасынын президентинин Талас облусундагы ыйгарым укуктуу өкүлүнүн биринчи орун басары М.Байжигитов, ошондой эле жергиликтүү өз алдынча башкаруу өкүлдөрү болду.
Жаңы имараттын сметалык баасы 80 миллион сомду түзөт жана анын курулушу министрликтин бюджетинен каржыланат. Имараттын аянты 900 чарчы метрди түзөт, бул облустук башкармалыктын эффективдүү иши үчүн заманбап жана ыңгайлуу шарттарды түзүүгө мүмкүндүк берет.
Курулуш аяктагандан кийин Талас облусунун башкармалыгынын кызматкерлерине заманбап эмгек шарттары камсыздалат, бул ошондой эле жарандар үчүн мамлекеттик кызматтардын жеткиликтүүлүгүн жана сапатын жакшыртат, деп билдирилет маалыматта.
