Эл аралык «Суу, тоо жана Кыргызстандын мөңгүлөрү, туруктуу келечек» конференциясында экология, жаратылыш ресурстары жана техникалык көзөмөл министринин орун басары Алмаз Мусаев Кыргызстандын суу башкаруу маселесинин маанилүүлүгүн белгиледи.
Ал ошондой эле өлкөнүн биоалуулугу уникалдуу жана баалуу байлык экенин, аны туура коргоо жана башкаруу керектигин айтты.
«Кыргызстандын тоолору биздин өлкөнүн жана Борбордук Азиянын коопсуздугун камсыздоодо негизги роль ойнойт. 2024-жылы мөңгүлөрдү коргоо аймактары катары тааныган мыйзам кабыл алынды. Бул тарыхый чечим экологиялык коопсуздукту жана биздин өлкөнүн суу ресурстарын бекемдейт, регион үчүн үлгү болуп саналат. Учурда Баткен, Ош жана Нарын облустарында «Арпа», «Алай» жана «Архар» жаратылыш парктары сыяктуу жаңы атайын коргоо аймактарын түзүү боюнча активдүү иш алып баруудабыз», — деди ал.
Министрдин орун басарынын айтымында, бул коргоо аймактарынын аянтын кеңейтүүгө жана өлкөдөгү суу ресурстарын сактоого шарттарды жакшыртууга мүмкүндүк берет.
