Иш-чаранын алкагында өлкөнүн туруктуу өнүгүүсүн камсыз кылууда маанилүү роль ойногон үч негизги багыт каралат:
1. Кыргызстанды региондогу суу жана тоо борбору катары бекемдөө — суу-энергетикалык коопсуздук боюнча стратегиялык кызыкчылыктарга басым жасоо жана Кыргызстанда суу жана климат маселелери боюнча туруктуу диалог түзүү.
2. Мөңгүлөрдү жана суу экосистемаларын коргоо үчүн эл аралык инвестицияларды жана колдоону тартуу — бул мөңгүлөрдү, көлдөрдү, суу сактагычтарды жана тоо экосистемаларын коргоо жана калыбына келтирүү, ошондой эле мөңгүлөрдү жана Ысык-Көлдү сактоо үчүн улуттук фонддорду түзүү боюнча демилгелерди камтыйт.
3. Суу коопсуздугу жана туруктуу өнүгүү боюнча улуттук кызыкчылыктарды колдоо. Дүйнөлүк коомчулуктун суу жетишсиздиги, мөңгүлөрдүн эриши жана тоо экосистемаларынын абалына көңүл буруусу маанилүү, анткени булар суу коопсуздугуна түздөн-түз таасир этет.
Конференциянын уюштуруучулары «Жашыл энергетика» фондусу, Ж. Баласагын атындагы КНУ менен биргеликте, «Ой Ордо» ЦЭИнин колдоосу менен иш алып барууда.
