Бул иш-чаранын уюштуруучулары катары Дүйнөлүк интеллектуалдык менчик уюму (WIPO) жана Азербайжан интеллектуалдык менчик агенттиги чыгышты, деп билдирет Билим берүү министрлиги.
Конференциянын алкагында жасалма интеллект технологияларын колдонуу менен иштелип чыккан продуктуларды патенттөө менен байланышкан мүмкүнчүлүктөр жана тобокелдиктер талкууланууда. Катышуучулар ИИни киргизүүдө менчик укуктары, укуктук жөнгө салуу жана жоопкерчилик маселелерине көңүл бурушууда.
Кыргыз делегациясы конференцияга эл аралык тажрыйба алмашуу жана жасалма интеллекттин ылдам өнүгүү шарттарында интеллектуалдык менчикти коргоонун заманбап ыкмаларын үйрөнүү максатында катышууда.
