Визиттин алкагында кыргыз делегациясы Бакудагы Кораблестирүү заводуна, Гейдар Алиев атындагы мунайды кайра иштетүү заводуна жана Бакуда жайгашкан Кыргызстан соода үйүнө барды.
Бакудагы Кораблестирүү заводунда делегация паромдорду жана Транскаспий транспорттук коридорун тейлөө үчүн башка кемелерди өндүрүү мүмкүнчүлүктөрү менен таанышышты. Тараптар кемелерди куруу жана паромдорду транспорттук-логистикалык муктаждыктар үчүн пайдалануу боюнча кызматташтыкты талкуулашты.
Гейдар Алиев атындагы мунайды кайра иштетүү заводунда кыргыз делегациясы мунайды модернизациялоо жана тереңдетип кайра иштетүү долбоорлорун изилдешти, ошондой эле мунай продуктуларын жеткирүү жана энергияны натыйжалуу пайдалануу менен экологиялык стандарттарды жогорулатуу боюнча тажрыйба алмашуу мүмкүнчүлүктөрүн талкуулашты.
Бакудагы Кыргызстан соода үйүнө болгон сапар кыргыз товарларын Азербайжан рыногуна илгерилетүү жана эки өлкө ортосундагы бизнес байланыштарды өнүктүрүү боюнча маанилүүлүгүн баса белгиледи. Продукциянын ассортиментини кеңейтүү жана биргелешкен бизнес-инициативаларды активдештирүү зарылдыгы талкууланды.
Тараптар айыл чарба, транспорт, энергетика жана соода тармактарында стратегиялык өнөктөштүк алкагында конкреттүү долбоорлорду ишке ашырууга даярдыктарын билдиришти.
Визит учурунда делегация Азербайжандын жалпы улуттук лидери Гейдар Алиевдин жана анын жубайы Зарифе Алиеванын элесин урматтады.
