Окуучулардын жалпы билим берүү мектептерине жана кошумча билим берүү борборлоруна астрономия жана табигый-техникалык илимдерге болгон кызыгуусун арттыруу, ошондой эле таланттуу балдарды аныктоо, мектеп окуучуларынын чыгармачылык жөндөмдөрүн өнүктүрүү максатында, Кыргыз Республикасынын Өкмөтүнө караштуу Интеллектуалдык менчик жана инновациялар мамлекеттик кызматы 2012-2016-жылдарга арналган Интеллектуалдык менчик жана инновациялардын мамлекеттик программасынын алкагында «Жаңы муундагы ойлоп табуучулар» долбоорун ишке ашыруу боюнча Кыргызстан командасынын X Азия-Тынч океан астрономия олимпиадасына катышуусуна финансылык колдоо көрсөттү. Команда 3 адамдан турат:
1. Шумейко Александра Владимировна – «Созвездие» клубунун жетекчиси, команданын жетекчиси
2. Чаначева Айжана Нурбековна – «Созвездие» клубунун тарбиялануучусу, РДИТА «Алтын туйун»
3. Элебесов Мадыл Турусбекович – «Созвездие» клубунун тарбиялануучусу, РДИТА «Алтын туйун»
X Азия-Тынч океан астрономия олимпиадасы 2014-жылдын 24-ноябрынан 2-декабрына чейин Россиянын Иркутск шаарында өтөт. Олимпиаданын өткөрүлүшү Эл аралык астрономиялык оргкомитет тарабынан демилгеленген.
Астрономия олимпиадасы үч турдан турат. Бул теориялык тур, практикалык тур жана байкоо туру, анда олимпиаданын катышуучулары тапшырмаларды чечүү процессинде астрономия, астрофизика, космос физикасы, асман объекттерин көз менен жана телескоптордун жардамы менен байкоо жүргүзүү боюнча өз билимдерин көрсөтүшү керек.
Олимпиадага Азия жана Тынч океан жээгиндеги 14төн ашык өлкөнүн командалары катышат.
