Туристтер үчүн электрондук пропусктар пайда болот

Туристтер үчүн жаңы документ пайда болот

ММКларда туристтерге келечекте паспорт жана виза менен кошо талап кылынуучу жаңы документ тууралуу маалымат чыкты. Бул — дүйнө жүзү боюнча 14 күндүк карантинсиз жүрүүгө мүмкүнчүлүк берген эл аралык ден соолук күбөлүгү.

Мындай электрондук пропусктар — CommonPass — Лондон шаарындагы Хитроу аэропортунда берилүүдө. Алардын биринчи колдонуучулары — United Airlines жана Cathay Pacific авиакомпанияларынын рейсине катышкан волонтер жүргүнчүлөр, алар Нью-Йорк, Гонконг жана Сингапур аэропортторунда күбөлүктөрдү тестирлеп көрүшөт.

Мүмкүн, CommonPass узак мөөнөттүү чара болуп, аба ташууларды COVID-19га чейин болгон режимине кайтарууга мүмкүндүк берет. Цифрдык күбөлүккө учуу алдында COVID-19 тестинин жыйынтыгы жана вакцинация тууралуу маалымат жүктөлөт. Авиакомпания кызматкерлери жана чек арачылар бул маалыматка атайын тиркеме аркылуу QR-кодду сканерлеп кире алышат.

Улуу Британия өкмөтүнөн кийин мындай схеманы сынап көрүүгө дагы 20 өлкөнүн бийликтери даяр. Эгер тестирлөө ийгиликтүү өтсө, CommonPass глобалдык деңгээлде 2021-жылдын башында киргизилиши мүмкүн.