Табигый ресурстар министрлигинин маалымат кызматы тарабынан берилген маалыматка ылайык, конференция 10-ноябрда Бразилияда, Белем шаарында башталды жана 190 өлкөдөн 50 миңден ашык катышуучуну чогултту.
Кыргыз делегациясынын негизги максаты — климаттык сүйлөшүүлөрдүн алкагында тоо региондорунун тургундарынын кызыкчылыктарын коргоо жана дүйнөлүк коомчулуктун климаттын өзгөрүшүнө байланыштуу тоо экосистемаларынын осолдугуна көңүл буруусун камсыз кылуу.
КС-30дун төрагасы жана башка катышуучулар менен консультациялардын натыйжасында Бразилиянын төрагалыгынын алдында тоо күн тартибиндеги маселелер боюнча көп тараптуу консультациялар өткөрүү боюнча макулдашууга жетишилди. Бул жолугушууларда климаттын өзгөрүшүнө ылайыкташуу жана тоо коомдору менен экосистемаларынын туруктуулугун жогорулатуу боюнча чаралар талкууланат.
Конференциянын алкагында кыргыз делегациясы БУУнун РКИК аткаруучу директору Саймон Стил менен жолугушуп, тоо региондорунун климаттык финансированууга жеткиликтүүлүгү боюнча маселелерди талкуулады.
Ошондой эле, кыргыз делегациясы Бишкекте тоо аймактарынын туруктуулугун камсыз кылуу боюнча Глобалдык борборду түзүү идеяларын сунуштады. Кийинки күндөрдө делегация бул конференцияда тоо күн тартибин илгерилетүүгө багытталган сүйлөшүүлөрдө активдүү катышууну улантат.
