Конференциянын жүрүшүндө 25-ноябрда элчи Марипов "Европа жана Борбордук Азиянын араб аймагы менен туташтыгы: туруктуу өнөр жай өсүшү үчүн технологияларды жана инвестицияларды өткөрүп берүү" темасында маанилүү диалогго катышты. Өз сөзүндө ал Кыргызстандын ЮНИДОнун өлкө боюнча өнөктөштүк программасы (ӨПП) алкагында регион аралык кызматташтыкты кеңейтүү мүмкүнчүлүктөрү тууралуу позицияларын билдирип өттү. ӨПП 2025-жылы кол коюлуп, ишке киргизилген.
Кыргыз делегациясынын башчысы ӨПП комплексдүү реформалар жана өнөктөштүк үчүн жаңы горизонтторду ачарын белгилеп, бул өлкөнүн 2030-жылга чейин өнүктүрүү боюнча Улуттук стратегиясына толугу менен жооп берерин айтты. Ал ошондой эле араб мамлекеттери менен жаңылануучу энергия, айыл чарба иштетүү, өнөр жайды модернизациялоо, санариптик технологиялар жана инновациялар сыяктуу тармактарда өз ара аракеттенүүнүн маанилүү потенциалын баса белгиледи.
24-ноябрда өткөн "Адилеттүү энергетикалык өтүштүн өнөр жайды өнүктүрүүдөгү өзгөртүүчү ролу" темасындагы сайд-ивентте элчи Марипов Кыргызстаннын туруктуу жана адилеттүү энергетикалык өтүш боюнча глобалдык күн тартибине берилгендигин кайрадан тастыктап, жашыл энергияны жана экологиялык коопсуздукту өнүктүрүүгө, ошондой эле туруктуу экономикалык өсүштү колдоого көңүл бурду.
