Иш-чаранын жүрүшүндө катышуучулар музейлердин актуалдуу иш багыттарын, анын ичинде этика, инклюзивдүүлүк, туруктуу өнүгүү, цифрлаштыруу жана маданий мурастын сакталуусу сыяктуу темаларды талкуулашты. Ошондой эле ICOMдун Этикалык кодексин жаңылоо маселеси да көңүл борборунда болду.
40-ассамблеяда маанилүү резолюциялар кабыл алынды, ошондой эле ICOMдун жаңы жетекчилиги шайланды: президент болуп Антонио Родригес, ал эми вице-президенттер болуп Насир Ал-Дармаки жана Тайбих Голназ Голсабахи дайындалды.
ICOM КР улуттук комитетинин төрайымы Аида Алымова, Кыргызстандагы музей тармагынын позицияларын активдүү колдоп, эл аралык кызматташтыкты бекемдөөгө көмөктөштү.
ICOM (International Council of Museums, Эл аралык музейлер кеңеши) – бул дүйнөлүк уюм, музейлерди жана музей иши боюнча адистерди бириктирет, алар маданий жана табигый мурастын, материалдык жана материалдык эмес, сакталуусу, өнүгүүсү жана коом менен өз ара аракеттенүүсү менен алектенишет. Уюм 1946-жылы Парижде, Францияда негизделген.
