5-6-декабрда Бишкек Дүйнөлүк күрөш федерациясынын (UWW) делегациясын кабыл алат. Визит учурунда Кыргызстандын Президенти Садыр Жапаров менен жолугушуу пландалган, анда кызматташтыктын негизги багыттары жана өлкөдөгү күрөштү өнүктүрүү маселелери талкууланат.
Ошондой эле делегация Изабеков атындагы күрөш академиясына жана "Жаштык Аренага" барып, Кыргызстанда эл аралык турнирддерди өткөрүү мүмкүнчүлүктөрүн карайт.
Маалымат: Дүйнөлүк күрөш федерациясы (UWW) олимпиялык күрөш түрлөрүнө, анын ичинде грек-рим, эркин жана аялдар күрөшүнө жооп берет, ошондой эле грэпплинг, панкратион жана пляждык күрөш сыяктуу дисциплиналарды өнүктүрүү менен алектенет. Федерациянын штаб-квартирасы Швейцариянын Лозанна шаарында жайгашкан.
