Конкурс эки номинацияны камтыйт: «Эң таза шаар» жана «Эң таза айылдык аймак».
Жеңүүчүлөрдү тандоо үчүн төмөнкү критерийлер каралган:
— экологиялык акцияда коомдун ар түрдүү катмарынын активдүү катышуусу (тургундар, волонтерлор, бизнес жана башкалар);
— тоо аймактарын, мөңгүлөрдү, жашыл аймактарды, туристтик объектилерди, коомдук жерлерди жана жээк аймактарын камтыган жалпы тазаланган аянт;
— калдыктарды бөлүп топтоо принциптерин сактоо (үчтөн ашык категория);
— чогултулган калдыктарды кайра иштетүү (пластик, металл, айнек, кагаз);
— тазалыкты пропагандалаган маалыматтык материалдардын болушу (билборддор, стенддер, LED экрандар, пластикти тыюу салуу жана бөлүп топтоо үчүн урналар тууралуу материалдар);
— билим берүү жана маалыматтык кампанияларды өткөрүү (мектептерде, бала бакчаларда жана башка билим берүү мекемелеринде);
— гранттар жана эл аралык донорлорду тартуу менен калдыктарды башкарууну жакшыртуу боюнча жергиликтүү долбоорлорду ишке ашыруу;
— дарактарды массалык отургузуу (жашоого жарашуунун пайызын эске алуу менен);
— катуу үй-бүлөлүк калдыктар үчүн үлгү полигонунун болушу (КҮК, трансформация, тосмо, техника);
— аймакта үлгү кайра иштетүүчү ишканалардын болушу же киргизилиши.
Бардык натыйжалар фото- жана видеоматериалдар, ошондой эле министрликтин кызматкерлери тарабынан жеринде текшерилүүчү документтер менен бекемделиши керек.
Конкурстун негизги сыйлыктары:
- 1-орун — ташуучу унаа (HOWO);
- 2-орун — сорттоо линиясы.
