Касымалиев өз сөзүндө илим жана инновациялар туруктуу социалдык-экономикалык өнүгүүнү, технологиялык көз карандысыздыкты жана өлкөнүн улуттук коопсуздугун камсыздоодо өтө маанилүү роль ойнойт деп баса белгиледи.
Жыйында катышуучулар илим тармагынын учурдагы абалы боюнча отчетторду карап, ошондой эле бар болгон көйгөйлөрдү жана келечектеги мүмкүнчүлүктөрдү талкуулашты. Улуттук илимдер академиясы үчүн нормативдик-укуктук базаны жакшыртуунун зарылдыгына өзгөчө көңүл бурулду. Мындан тышкары, геологиялык изилдөөлөргө мамлекеттик колдоону көбөйтүү зарылдыгы жөнүндө маселе көтөрүлдү.
Жыйналыштын жыйынтыгы боюнча илим, инновациялар жана жаңы технологиялар боюнча кеңеш бир катар маанилүү чечимдерди кабыл алды.
Кабыл алынган чечимде илим жана геологиялык изилдөөлөрдү өнүктүрүү Кыргыз Республикасынын мамлекеттик саясатынын приоритеттеринин бири болушу керектиги баса белгиленди.
Министрлер кабинетине илимий ишмердүүлүктү оптимизациялоого багытталган системалык чараларды ишке ашыруу боюнча сунуштар берилди. Бул мамлекеттик заказ механизмдерин өнүктүрүүнү, илимий изилдөөлөрдү финансылоону этап-этабы менен көбөйтүүнү, ресурстарды рационалдуу бөлүштүрүүнү, ошондой эле геологиялык илимди модернизациялоону жана илимий мекемелердин кадрдык потенциалын күчөтүүнү камтыйт.
