Жыйында сибирь жарасы боюнча оорулуулуктун учурдагы абалы, алдын алуу жана эпидемияга каршы чаралар, ошондой эле Бишкектеги саркофагдардын абалы сыяктуу маанилүү маселелер талкууланды. Туберкулездун абалына жана анын алдын алуу чараларына, ошондой эле «Кыргыз Республикасынын жарандарынын ден соолугун тамеки, никотин жана айланадагы тамеки түтүнүнүн жана аэрозолдун таасиринен коргоо жөнүндө» мыйзамдын ишке ашырылышына өзгөчө көңүл бөлүндү.
Антитабак мыйзамдарынын алкагында катышуучулар маалыматтык видеороликтерди коомдук транспортто көрсөтүү менен түшүндүрүү иштерин жана алдын алуу иш-чараларын күчөтүүнүн зарылдыгын талкуулашты.
Туберкулездун алдын алуу боюнча, ооруну эрте аныктоо үчүн аракеттерди активдештирүү, алдын алуу медициналык текшерүүлөрдү жана скринингдерди өткөрүү, ошондой эле инфекцияны контролдоо талаптарына так көзөмөл жүргүзүү тапшырылды.
