Милицияга берилген маалыматка ылайык, борбордун тургуну 2025-жылдын 20-апрелинде «БМВ 540I» маркасындагы унаасын 40 миң долларга сатканын айтып, арыз менен кайрылган. Алгач ага 5000 доллар берилген, бирок андан кийин унаа үчүнчү жактарга кайра сатылып, акча кайтарылган эмес. Шектүүлөр байланышууга чыгышкан жок.
Бул окуянын негизинде Кыргызстандын Кылмыш-жаза кодексинин 209-беренеси («Алдамчылык») боюнча кылмыш иши козголду.
Укук коргоо органдары 30 жаштагы М.Б. аттуу эркекти кармоого жетишти, ал учурда убактылуу кармоо жайында жатат.
Милиция кызматкерлери кармалган киши башка кылмыштарга да тиешеси болушу мүмкүн деп эсептешет. Ошондуктан, алдамчылыктын курмандыгы болгон же кандайдыр бир маалыматка ээ болгон бардык адамдарды 0 (700) 12-66-22 же 102 номерлери боюнча байланышууга чакырышат.
