Атап айтканда, талапкерлердин жана саясий партиялардын шайлоо фонддорунан жеке адамдарга келген каражаттар, эгер алар ишенимдүү адамдардын, байкоочулардын милдеттерин аткаруу же шайлоо кампаниялары учурунда агитациялык кызматтарды көрсөтүү үчүн алынган болсо, кирешеге салыктан бошотулат.
Мындан тышкары, шайлоолор учурунда агитаторлордун ишмердүүлүгү патент негизинде салык салынуучу жумуштардын тизмесине кирбейт.
«Мамлекеттик социалдык камсыздандыруунун тарифтери жөнүндө» мыйзамга ылайык, агитаторлор жана ишенимдүү адамдар алган кирешелер жана сыйлыктар мамлекеттик социалдык камсыздандыруу боюнча камсыздандыруу төлөмдөрүнөн бошотулат.
Жогоруда аталган кирешелерге салык салууда салык мыйзамдарынын нормаларын сактоо маанилүү экенин белгилөө зарыл.
