Энергетика министри Таалайбек Ибраев Кыргызстан кыш мезгилинде электр энергиясынын жетишсиздиги менен беттешпей турганын билдирди. Бирок, ал ресурстарды рационалдуу пайдалануунун маанилүүлүгүн баса белгиледи.
«Мурдагы кыш мезгилдердегидей, биз коңшу өлкөлөрдөн электр энергиясын 3 сом баада сатып алабыз, ал эми калкка 1 сом 37 тыйын тариф менен жеткирилет», - деди Ибраев.
Баалардын айырмасы НЭСКтин балансында карызды түзөт.
Бул жагдайда президент импорттун көлөмүн мүмкүн болушунча кыскартуу жана энергияны экономиялуу пайдалануу, ошондой эле келерки жылы 25 миллиард сомдук карызды жабуу боюнча көрсөтмө берди.
«Биз келерки жылы карыздарды толугу менен төлөп, пайда деңгээлине чыгууга пландап жатабыз», - деп кошумчалады министр.
Анын айтымында, 2028–2029-жылдардагы кыш мезгилине Кыргызстан электр энергиясын импорттоодон толук баш тартышы керек», - деп жыйынтыктады ал.
