Жакында өткөн пресс-конференцияда энергетика министри Таалайбек Ибраев өлкөнүн калкы электр энергиясын төлөө боюнча өз милдеттенмелерин толук аткарып жатканын билдирди.
Анын айтымында, учурда дебитордук карыздар боюнча көйгөйлөр жок. «Мурда биз журналисттер менен рейддерди өткөрүп, төлөбөгөндөрдү издеп, электр энергиясын өчүрүп, сотко кайрылууга мажбур болчубуз. Бүгүнкү күндө мындай кырдаал жок. Биз 100% электр энергиясынын эсептерин төлөгөн элге ыраазыбыз. Эгер төлөм болбосо, электр энергиясы атайын программа аркылуу автоматтык түрдө токтотулат, ал эми төлөмдү киргизгенден кийин кайрадан дароо туташтырылат», — деп кошумчалады Ибраев.
