Кыргызстандын энергетика министри Таалайбек Ибраев мурдагы президент Алмазбек Атамбаевдин сындарына жооп берди. Атамбаев мурда майнингди жана электр энергиясын экспорттоону катуу сынга алып, бул ресурстардын жетишсиздигинде «абсурд» чечим деп атаган.
«Атамбаев дайыма көп сүйлөөгө жөндөмдүү болуп келген, бирок өз сөздөрүнүн жоопкерчилигин албайт. Бул жагынан ал уникалдуу, — деди министр. — Учурдагы электр энергиясынын жетишсиздигине байланыштуу өлкөдөгү бардык майнинг-фермаларды толук өчүрүү чечими кабыл алынды. Бул маселе менин жеке көзөмөлүмдө», — деп билдирди 24.kg Таалайбек Ибраев.
Министр ошондой эле Кыргызстанда кимдер майнинг менен алектенгенин, бул кайда болуп жатканын жана электр энергиясын үнөмдөө үчүн кандай чаралар көрүлүп жатканын кенен түшүндүрдү.
Энергетика министри Таалайбек Ибраев менен толук эксклюзивдүү интервью 24.kgда бүгүн 12.00дө жарыяланат.
