Кыргызстандагы экономикалык абал туруктуу өсүштү көрсөтүүдө. КР Улуттук банкынын төрагасынын орун басары Азат Козубековдун маалыматы боюнча, 2025-жылдын биринчи 10 айында ички жалпы продукт (ИЖП) 10% га өскөн.
Ал белгилегендей, оң динамика экономиканын дээрлик бардык секторлорунда байкалууда. Жогорку ички суроо-талап реалдуу эмгек акынын өсүшүнө да көмөктөшүүдө.
«Кыргызстанда инфляция деңгээлине ылайыкташтырылган реалдуу эмгек акы 10,9% га өстү. Мындан тышкары, акча которуулар 24,1% га көбөйдү. Улуттук банк экономиканын акча сунушун жеткиликтүү инструменттерди колдонуу менен активдүү жөнгө салып жатканын белгилөө маанилүү», — деп кошумчалады ал.
Козубеков ошондой эле ички валюта рыногунун туруктуулугун жана алмашуу курсуна болгон ийкемдүүлүктү, ал рыноктук шарттарга ылайык келээрин белгиледи.
«Бул жылы алмашуу курсунун кескин өзгөрүүлөрүн жумшартуу үчүн НБКР 590,5 миллион доллар суммасында алты интервенция өткөрдү. Ошол эле учурда, октябрь айынын аягына карата эл аралык резервдердин көлөмү өсүүнү улантып, 7,96 миллиард долларга жетти», - деп жыйынтыктады НБКР төрагасынын орун басары.
