Илимпоздун белгилөөсү боюнча, өлкө тургундарынын кирешелери 19,5% га өскөн, ал эми орточо пенсия 5,8% га жогорулаган.
Ошондой эле, ал Кыргызстандын эл аралык резервдери 7,955 миллиард долларга чейин өскөнүн, бул сентябрдан 401 миллион долларга көп экенин маалымдады. Бул резервдер алты айлык импортту камсыз кылууга мүмкүнчүлүк берет жана валюта интервенциялары менен сомдун курсуна туруктуулук берүү үчүн колдонулат.
Шамшиевдин маалыматына ылайык, белгиленген мезгилде мигранттар Кыргызстанга 2,3 миллиард доллар которушкан, бул өткөн жылдын ошол эле мезгилине караганда дээрлик 400 миллионго көп.
«Бул которуулар өлкөнүн ички жалпы продуктунун 30% ын түзөт жана турак жай, унаа жана керектөө товарларын сатып алууга колдонулат, ошентип экономиканы колдойт», — деп кошумчалады ал.
