Кыргызстанда түштүк аймактар үйлөрдү камсыздандыруу деңгээли боюнча лидерликти улантууда. Бул тууралуу «Мамлекеттик камсыздандыруу уюму» ААКнын камсыздандыруу жана кайра камсыздандыруу департаментинин директору Актан Турумбеков Биринчи радиого берген маегинде билдирди.
Анын айтымында, түштүк аймактардын тургундары жаратылыш кырсыктарынын көптүгүнөн улам үйлөрүн камсыздандырууга олуттуу мамиле кылышат.
Берилген маалыматтарга ылайык, камсыздандыруу деңгээли төмөнкүдөй көрүнөт:
- Джалал-Абад облусу — 38% дан ашык,
- Ош облусу — 33%,
- Баткен облусу — 27%,
- Талас жана Нарын облустары — 29%дан.
- Ал эми, түндүк аймактардагы көрсөткүчтөр кыйла төмөн:
- Бишкек — 25% чамасында,
- Чүй облусу — 20% чамасында.
Ал ошондой эле, өткөн жылдан тарта күчүнө кирген өкмөттүн токтому боюнча, кыймылсыз мүлккө болгон бардык келишимдер үйдү камсыздандырууну милдеттүү кылат деп кошумчалады.
«Биз бул токтом Бишкектеги көрсөткүчтөрдүн жогорулашына өбөлгө болду деп эсептейбиз, анткени борбордо сатып алуу-сатуу келишимдеринин көбү орун алат», — деп баса белгиледи Актан Турумбеков.
