Бекназар Базаралиев жаңы эстакадалык көпүрөлөр Масалиев жана Ленин көчөлөрүнүн кесилишинде, ошондой эле Ак-Буура дарыясы аркылуу эски базарга чейин жайгашарын билдирди. Бул жаңы борбордук базарга жетүүнү кыйла жеңилдетет.
Курулушту аяктоо 2028-жылга пландалууда.Депутат Кундузбек Сулайманов кредиттер боюнча пайыздык ставканы төмөндөтүү мүмкүнчүлүгү тууралуу суроо берди.
Буга Базаралиев жооп берип, эл аралык уюмдар Кыргызстанды финансылоого болгон мамилесин өзгөртүп жатканын айтты.
"Алар акырындык менен гранттарды берүүдө токтотууга даярданып жатышат, ал эми мурда 2,5% ставкасында берилген кредиттер дагы кымбат болушу мүмкүн. Бирок, биз коопсуз финансылоону сунуштаганда, алар ставканы төмөндөтүүгө макул болушту жана жеңилдетилген мөөнөт беришти. Мүмкүн, келечекте мындай долбоорлор болбой калат", - деп баса белгиледи ал.
Комитеттин мүчөлөрү сунушталган мыйзам долбоорун талкуудан кийин бир добуштан колдошту.
