2023-жылдын башынан бери Кыргызстанда 1545 чакырым жол асфальтталды. Бул тууралуу Транспорт жана байланыш министринин орун басары Бекназар Базаралиев Биринчи радиодо билдирген.
Ал ошондой эле асфальт төшөө алдында бир нече жол участкаларында чоң жер казуучу иштер жүргүзүлгөнүн, бул келечектеги жол долбоорлору үчүн зарыл шарттарды түзгөнүн белгиледи.
«Жылдын башында биз 1000 чакырымга жакын асфальттоо максатын койгонбуз. Азыркы натыйжа министрликтин кызматкерлеринин жана биздин өнөктөштөрдүн биргелешкен аракеттеринин натыйжасы. Бул иштин көлөмү өткөн жылдарга салыштырмалуу рекорддук деңгээлде экенине сыймыктанамын», - деди ал.
