Медиация — бул нейтралдуу арачы — медиатордун катышуусундагы конфликттерди чечүү ыкмасы. Бул адис тараптарга келишимге жетүүгө жардам берет.
Сыдыковдун белгилөөсү боюнча, Кыргызстанда медиатор болуу үчүн өлкөнүн жараны болуп, 25 жашка жетиши, жогорку билимге ээ болушу жана атайын окутуудан өтүшү керек, андан кийин медиаторлордун реестрине катталуусу зарыл.
Медиация боюнча мыйзам 2017-жылы киргизилип, 2018-жылдан тарта күчүнө кирген. 14-ноябрда президент Садыр Жапаров «Медиация жөнүндө» мыйзамдын жаңыланган версиясына кол койду, ал 3-декабрда күчүнө кирет.
Жаңы мыйзамдын күчүнө кириши менен медиаторлор карай турган иштердин категорияларынын тизмеси түзүлөт. Министрдин орун басары ошондой эле сот медиаторго иштерди жөнөтө алаарын, ал эми маселе чечилбеген учурда иш сотко кайтарылышы мүмкүн экенин белгиледи.
