Канатаев тиркеме эки жылдан бери иштеп жатканын, бирок анын активдүү киргизилиши быйыл гана башталганын белгиледи.
Анын айтымында, тиркемени колдонуу дары-дармектерди издөө процессин кыйла жеңилдетет, шаарды кыдырып же ар кандай топторду карап чыгуу зарылдыгын жоюп турат. «Колдонуучулар жөн гана тиркеменин издөө жолагына дарынын атын киргизсе, ал дароо кайсы дарыканадан табууга болорун билип алышат. Биз мамлекеттик орган катары расмий базарды көзөмөлдөп турабыз, жана тиркемеде өлкөгө расмий түрдө киргизилген дары-дармектер гана көрсөтүлөт, алардын баасы 100 сомдон жогору. Бул чектөө арзан дары-дармектердин баасына таасир этпеши үчүн коюлган. Эгер биз, мисалы, 10 сомдук дары-дармектерди көзөмөлдөп баштасак, алардын баасы 13 сомго чейин көтөрүлүп, 30%га жогорулайт. Ошондуктан биз арзан дары-дармектерди базага киргизбейбиз», - деп кошумчалады ал.
Ошондой эле Канатаев электрондук маалымат базасы өлкөгө расмий түрдө киргизилген бардык дары-дармектер тууралуу маалыматтарды камтыган мамлекеттик система экенин белгиледи. Бул дары-дармектердин бардыгы мобилдик тиркемеде жеткиликтүү.
