Бир жума ичинде, жаңы QR-коддор аркылуу бажы жыйымдарын төлөө ыкмасынын жардамы менен мамлекеттик казнага 40 миллион сом түшкөн. Бул тууралуу Кыргызстандын Мамлекеттик бажы кызматынын төрагасы Алмаз Салиев Биринчи радиодо билдирген.
Ал бажы төлөмдөрүн төлөө процессин жеңилдетүү үчүн «Элдик банк» менен кызматташтыкта санариптик система иштелип чыкканын белгиледи.
«Биз сыртка экономикалык ишмердүүлүк менен алектенген ишкерлерге QR-коддор аркылуу бажы жыйымдарын төлөөгө мүмкүнчүлүк берген жаңы кызматты киргиздик. Бул долбоор бизнес коомчулугунан оң пикирлерди алды. Эми ишкерлер каалаган убакта жана каалаган жерде, Бажы кызматынын сайтында уникалдуу кодду киргизүү менен QR-кодду алуу мүмкүнчүлүгүнө ээ. Бул бизнес үчүн процессти кыйла жеңилдетет. Каражаттын түшүшү тууралуу маалымат автоматтык түрдө Бажы кызматынын системасында реалдуу убакыт режиминде жаңыртылып турат», - деп кошумчалады Салиев.
Мындан тышкары, ал QR-коддорду киргизүү жана жарандар менен жаңы байланыш формасын ишке киргизүү мамлекеттик органдардын ишинин ачыктыгын арттыруу жана колдонуучулар үчүн ыңгайлуулукту жакшыртууга багытталганын баса белгиледи.
