«Эл Аман» бренди менен дарыканаларда дары-дармектер башка жерлерге караганда орточо 5% арзаныраак сунушталат. Бул тууралуу мамлекеттик «Кыргызфармация» ишканасынын директору Талант Султанов «Кабар» агенттигине берген маегинде билдирди.
Ал ошондой эле кээ бир дары-дармектердин баасы дагы төмөн болушу мүмкүн экенин белгиледи.
«Биздин максат — мамлекеттик дарыканалардагы дары-дармектердин баасын жеткиликтүү деңгээлде кармап туруу. Бул өзгөчө социалдык жактан уязвимдүү катмарлар үчүн маанилүү. Биз ошондой эле “Эл Аман” дарыканаларынын санын көбөйтүү боюнча активдүү иш алып барабыз. Азыркы учурда өлкөдө 100 дарыкана иштеп жатат, жана биз алыскы аймактарда жаңы пункттарды ачууну пландап жатабыз», — деп кошумчалады ал.
