Салыштыруу үчүн, 2023-жылы бул көрсөткүч болгону 1 миллиард сомду түзгөн.
«Кыргызфармациянын» өкүлдөрү бардык жеткирүүлөр өткөн жылы алынган 1 миллиард сомдук айланма каражаттардын эсебинен каржыланганын белгилешти. «Биз чыгымдардын натыйжалуулугун жогорулатуу жана туруктуу өсүүнү камсыздоо мүмкүнчүлүктөрүн изилдөөнү улантуудабыз. Түз инвестициялар тартылбаса да, биз Дүйнөлүк банк, ЮНФПА жана ЮНИСЕФ сыяктуу уюмдардан маанилүү техникалык жана эксперттик колдоо алабыз. Бул бизге логистиканы, санариптештирүүнү өнүктүрүүгө жана сатып алуулардагы ачыктык боюнча мыкты практикаларды киргизүүгө мүмкүнчүлүк берет», — деп кошумчалашты алар.
Темага байланыштуу «Кыргызфармацияда» дары-дармек боюнча мамлекеттик сатып алуулар тууралуу мифтерди жокко чыгарышты
Мындан тышкары, «Кыргызфармация» санариптик сатып алууларга өтүү тууралуу билдирди. Азырынча Kyrgyzpharm.med.kg платформасы иштеп жатат. 2025-жылдын аягына чейин мамлекеттик порталдар менен интеграция пландалууда, бул товарлардын, арыздардын жана калдыктардын кыймылын реалдуу убакыт режиминде көзөмөлдөөгө мүмкүндүк берет.
2026-жылы региондук складдардын ишке кириши жана логистикалык долбоорлордун кеңейиши күтүлүүдө, бул жаңы жумуш орундарын түзүп, региондордо дары-дармек менен камсыздоо инфраструктурасын жакшыртат.
