Нацстаткомдун сүрөтү. Көзөмөлгө алынбаган экономиканын үлүшү (ИДПга пайыз)
Маалыматка ылайык, 2023-жылга салыштырганда, көлөкө, формалдуу эмес жана мыйзамсыз экономиканын үлүшү 0,3 пайыздык пунктка өскөн. Бул өсүүнүн негизги факторы кайра иштетүү өнөр жайында көзөмөлгө алынбаган ишмердүүлүктүн көбөйүшү болду.
Бирок, 2020-жылга салыштырганда, көзөмөлгө алынбаган экономиканын үлүшү ИДПда 0,6 пайыздык пунктка азайганын байкоого болот. Бул төмөндөө көлөкө ишмердүүлүктүн оптом жана бөлшек соода, ошондой эле унаа жана мотоциклдерди оңдоо сыяктуу секторлордо 1 пайыздык пунктка жана транспорт кызматтарында жана жүк сактоодо 0,9 пайыздык пунктка азайышынын натыйжасында болгон.
Улуттук статистика комитети бул маалыматтар айыл чарбасын камтыбай турганын тактады.
