Бул демилге Кыргызстандын чет өлкөлүк инвестицияларды тартуу боюнча атаандаштыкка жөндөмдүүлүгүн жогорулатууга багытталган. Дүйнөдө түз чет өлкөлүк инвестициялардын жалпы көлөмү болжол менен 1,2 триллион долларды түзгөн шартта, республика потенциалдуу инвесторлор үчүн мүмкүн болушунча ыңгайлуу шарттарды түзүүгө аракет кылууда.
Жээналиевдин айтымында, мамлекет жер тилкелерин гана сунуштап тим болбостон, кеңири жеңилдиктер пакетин да сунуштайт. Инвесторлор чийки зат жана жабдуулар үчүн бажы төлөмдөрүнөн бошотулууга, ошондой эле ири, улуттук жана стратегиялык долбоорлор үчүн үч түрдөгү салык боюнча беш жылга чейин салык каникулдарын алууга, бул мөөнөттү дагы беш жылга узартуу мүмкүнчүлүгүнө ээ болушат.
