Анын айтымында, жолдун узундугу 39 чакырымды түзөт, анын ичинен 7 чакырымы өткөн жылы калыбына келтирилген. «Биз туристтик жактан кызыктуу аймактардагы жол инфраструктурасын жакшыртууга активдүү катышып жатабыз. Бул трассанын 7 чакырымдык ремонту 2025-жылы аякталды, ал эми калган 32 чакырым быйыл жаңыртылат. Проектти иштеп чыгуу жана курулуш иштерине даярдык көрүү жүрүп жатат. Алгачкы этаптар мартта башталат», - деп белгиледи Осмонов.
2025-жылы Транспорт министрлиги Базар-Коргон районунда 32 чакырым автомобиль жолдорун асфальттоо иштерин аяктаган.
