Бул чара азык-түлүк коопсуздугун камсыздоо жана эт менен мал чарбачылыгы продукциясынын бааларын стабилдештирүүгө багытталган. Жободо мындай аракеттер Евразия экономикалык биримдигинин нормаларына жана Министрлер кабинетинин конституциялык мыйзамына жооп берери көрсөтүлгөн.
Тыюу төмөнкү категорияларга таралбайт:
- Кыргызстан аркылуу транзиттик экспорт;
- спорттук мелдештерге катышкан аттар;
- мамлекеттик же эл аралык уюмдарга белекке берилген аттар;
- «Кыргыз Агрохолдинг» ААКсы тарабынан экспорттолчу жандуу мал;
- аба транспорту менен чыгарылган аттар.
Экономика жана соода министрлиги Дүйнөлүк соода уюмунун коргоо чаралары боюнча комитетин жана Евразия экономикалык комиссиясын маалымдашы керек, ал эми Сырткы иштер министрлиги ТМДнын Аткаруу комитетин маалымдайт.
Мындан тышкары, 2025-жылдын августунан тартып күчүндө болгон ушундай эле тыюуну жокко чыгаруу сунушталууда.
Жобо расмий жарыяланган учурдан тартып күчүнө кирет.
