Маалыматка ылайык, жеңилдиктер төмөнкү товарларга берилет:
— ири мүйүздүү малдын эти.
Бул чара 2026-жылдын 31-декабрына чейин 5 миң тоннадан ашпаган көлөмдө иштейт. Жеңилдик шарттары жаңы же муздатылган этке (ЕАЭБ ТН ВЭД коддору: 0201...) жана муздатылган этке (ЕАЭБ ТН ВЭД коддору: 0202...) таралат.
Тарифтик жеңилдикти алуу үчүн, импорттоочу, номенклатура жана товарлардын көлөмү тууралуу маалыматты камтыган мамлекет мүчөсүнүн ыйгарым укуктуу органынан документ болушу керек.
Импорттолгон этти жеңилдик менен колдонуу, тек гана эт азыктарын өндүрүү үчүн жана эт кайра иштетүүчү ишканаларда гана уруксат берилет. Жеңилдиктүү чийки заттан жасалган даяр продукцияны ЕАЭБге мүчө башка өлкөлөргө чыгарууга тыюу салынат;
— кант.
Бул чаранын күчү дагы 2026-жылдын 31-декабрына чейин. Кант-сырец (ЕАЭБ ТН ВЭД субпозициясы 1701 13) үчүн 20 миң тоннага чейин жеңилдик каралган.
Жеңилдикти колдонуу үчүн Кыргызстандагы ыйгарым укуктуу орган тарабынан канттын назначениеси жана импорттоочулар менен кайра иштетүүчү ишканалар тууралуу маалыматты камтыган документ болушу керек.
Кант-сырец Кыргыз Республикасында гана өнөр жай кайра иштетүү үчүн колдонулушу мүмкүн. Жеңилдиктүү чийки заттан алынган ак кант башка ЕАЭБ мүчө мамлекеттерине чыгарууга уруксат берилбейт;
— цитрус жемиштери.
Бул чара 2026-жылдын 31-декабрына чейин иштейт.
Импорттук бажы төлөмдөрүнөн бошотуу төмөнкү түрлөргө каралган: жаңы банандар (0803901000) — 3 миң тонна, жаңы мандариндер (0805210000) — 2,5 миң тонна, жаңы жүзүм (0806101000) — 1,5 миң тонна, жаңы апельсиндер (0805102000) — 1 миң тонна, жаңы манго (0804500001) — 500 тонна, жаңы киви (0810500000) — 500 тонна;
— какао продукциясы.
Бул чаранын күчү — 2027-жылдын 30-апрелине чейин (жыл сайын), какао майы (ЕАЭБ ТН ВЭД коду 1804000000) үчүн 300 тонна.
Кабыл алынган чаралардын максаты төмөнкүлөрдү камсыз кылуу:
- ички рынокту туруктуу камсыздоо;
- кайра иштетүүчү ишканаларды колдоо;
- социалдык мааниси бар товарларга баанын өсүшүн токтотуу;
- Кыргызстандын агроөнөржай комплексин өнүктүрүү.
