Кыргыз Республикасынын Ауыл чарба министрлигинин маалыматына ылайык, Бишкек жана Чүй облусу үчүн күндөлүк этке болгон муктаждык болжол менен 200–230 тоннага жетет. Ошого ылайык, күн сайын 300дөн ашык ири мүйүздүү мал союлат.
Учурда эттин орточо базар баасы болжол менен 750 сомду түзөт.
Эт өндүрүшүнүн көлөмүн жогорулатуу жана бааларды жөнгө салуу үчүн «Чүй облусунда жана Бишкек шаарында ири мүйүздүү малды семиртүү боюнча эт кластерин өнүктүрүү» долбоору ишке киргизилгенин белгилеп өтүү керек.
Бул долбоордун алкагында министрлер кабинетинин токтому кабыл алынып, анын негизинде мамлекеттик банктар кластерге катышкан фермерлер үчүн 3% жылдык ставка менен жеңилдетилген кредиттерди берүүдө.
Бул долбоорду Суу ресурстары, айыл чарба жана кайра иштетүү өнөр жайы министрлиги иштеп чыккан. Жакында министрлер кабинетинин төрагасы Адылбек Касымалиев долбоорду ишке киргизүү боюнча токтомго кол койду.
Токтом 18-мартта Жогорку Кеңеш тарабынан каралып, күчүнө кирди. Эми Бишкек жана Чүй облусунда ири мүйүздүү малды семиртүү боюнча эт кластерине кирген фермерлер «Абанк» жана «Элдик Банк» мамлекеттик банктары аркылуу минималдуу пайыздык ставкалар менен жеңилдетилген кредиттерди ала алышат.
