Россия Федерациясынын Маданият күндөрүн Кыргыз Республикасында өткөрүү алкагында, КР өкмөтүнүн төрагасы Адылбек Касымалиев Россиянын маданият министри Ольга Любимова менен жолугушту.
Иш-чаранын жүрүшүндө Никита Михалковго Кыргызстандын эң жогорку мамлекеттик сыйлыгы «Достук» ордени тапшырылды.
Адылбек Касымалиев катышуучуларга кайрылып, маданият күндөрүнүн эки мамлекеттин тарыхый байланыштарын бекемдөөгө болгон маанисин белгиледи.
Ал ошондой эле Никита Михалковду 80 жылдык юбилейи менен куттуктап, анын дүйнөлүк кинематографияга кошкон зор салымын баса белгиледи.
Өкмөт башчы Михалковго ден соолук, чыгармачылык күч-кубат жана эки өлкө ортосундагы достукту бекемдөөгө көмөктөшүүчү маданият жаатында дагы да ийгиликтерди каалады. ```
