Министрлер кабинетинин төрагасы жана президенттин администрациясынын жетекчиси Адылбек Касымалиевдин Москвага болгон визити аяктады, деп билдиришти өкмөттөн.
Сапар учурунда Адылбек Касымалиев Шанхай кызматташтык уюмуна кирген мамлекеттердин өкмөт башчыларынын кеңешинин жыйынына, тар жана кең курамда катышты.
Мындан тышкары, ал ШОСтун башкы катчысы Нурлан Ермекбаев менен жолугушту.
Ошондой эле, өкмөт башчысы Россиянын президенти Владимир Путин менен Шанхай кызматташтык уюмуна катышкан мамлекеттердин өкмөт башчылары жана делегацияларынын арасында сүйлөшүүлөрдү өткөрдү.
Министрлер кабинетинин төрагасынын Бишкекке кайтып келиши 18-ноябрда кечинде болду. ```
