Бул маанилүү иш-чарага студенттик активисттер, дипломатиялык миссиялардын өкүлдөрү жана Кыргызстан, Өзбекстан, Казакстан жана Россиядан келген расмий коноктор катышты. Конокторго элдердин маданий жакындашына көмөктөшүүгө багытталган ар кандай программалар жана презентациялар сунушталды.
Жыйында Дипломатиялык борбордун ишмердүүлүгү тууралуу маалымат берилди. Намаган мамлекеттик университетинин окуу маселелери боюнча проректору Х. Кодиров катышуучуларды куттуктап, КУМУнун ректору, профессор Абдилбает Мамасыдыковго Ыраазычылык катын тапшырды, бул билим берүү мекемелери арасындагы ийгиликтүү кызматташтыктын символу болду.
«Чынгыз Ааламы» долбоору жана Чингиз Айтматовдун мурасы тууралуу докладды Ч. Айтматов атындагы Эл аралык Ысык-Көл форумунун вице-президенти Д. Жумабаева жасады, ал ошондой эле университеттин китепканасына баалуу адабияттарды тапшырды.
Шанхай кызматташтык уюмунун Маданий-интеграциялык борборунун орун басары Сталбек Бекболотов коңшу өлкөлөрдүн жаштары арасында өнөктөштүк демилгелеринин маанисин белгиледи.
«Келечек биздин колубузда — биз эки өлкөнүн биримдигин улантабыз!» — деген ураан менен Кыргызстан жана Өзбекстан жаштары китеп алмашышты, бул алардын бекем достугунун символу болду.
