Кененбаеванын айтымында, министрликтин пландарында фермерлер үчүн атайын кызмат көрсөтүү борборлорун ачуу бар. Бул борборлор жеринде үйрөтүү менен алектенет. «Алгач борборлорду даярдоо керек, андан кийин алар башка фермерлерди үйрөтө алышат», — деп кошумчалады ал.
Ошондой эле ал алыскы аймактарда жашаган фермерлер үчүн онлайн платформа түзүлөөрүн белгиледи. Бул үйрөтүү материалдарын жана видеолорду түздөн-түз мобилдик түзмөктөргө алуу мүмкүнчүлүгүн берет. Контентти таратуу министрликтин цифралык каналдары аркылуу жүргүзүлөт.
