Бул маалыматты аталган регион боюнча ЦИКтин координатору Турусбек Омурзаков билдирди.
Ал байкоочулар ОБСЕ жана башка парламент аралык уюмдарды өкүлдөрү экенин, ошондой эле Өзбекстандан 4 адис келгенин белгиледи.
«Учурда бизге келген аккредиттелген эл аралык байкоочулардын саны 50дөн ашып кетти. Манас айылында 8 байкоочу иштейт, Сузак районунда да ушундай эле сан болот. Башка райондордо да байкоо уюштурулат. Мындан тышкары, жаңы өкүлдөр бүгүн жана эртең келиши мүмкүн болгондуктан, эл аралык байкоочулардын саны көбөйүшү ыктымал», - деп кошумчалады ал.
ЦИКтин сайтында жайгаштырылган маалыматка ылайык, учурда Жогорку Кенештин депутаттарын шайлоого 788 эл аралык байкоочу аккредиттелген.
